• Сподели на:

Рецептот на Софија Лорен ќе ве подмлади

___

Оваа маска не е комплицирано да се припреми, а навистина е феноменална! Секоја жена која го почитува својот изглед, и сака долго да ја зачува својата убавина и младост, треба да ја применува.

 Состојки: 1 кесичка желатин (10 гр), 150 гр кајмак (млеко, кефир или јогурт), 1 лажиче глицерин (аптекарски или растителен), 1 лажиче мед.

Кајмакот е добар за сувата кожа на лицето. За нормалната кожа повеќе одговара млекото или јогуртот, а за мрсната киселото млеко, кефирот или безмаслениот јогурт.

Подготовка: Растворете го желатинот во кајмакот (или во друг млечен производ) и оставате го во фрижидер 6-8 часа.

Потоа нежно мешате загревајќи ја смесата на водена пареа, додека желатинот не се раствори во целост. Тргнете го од шпоретот, додајте мед и глицерин и промешајте.

Почекајте неколку минути додека се олади смесата и нанесете ја на исчистеното лице, врат или деколте зоната. Држете ја 20-25 минути, а потоа тргнете ја со хартиено (или со памучно) марамче, потопено во млеко. Остатокот од маската исперете го прво со топла, а потоа со ладна вода.

Припремата за маската може да ја чувате во фрижидер 5-7 дена и да ја користите секој ден. Наутро може да ја нанесувате на лицето ладна за да го освежите, а навечер малку подгреана (во микробранова или на водена пареа) за зголемување на хранливиот ефект.

Ефектите од маската ке бидат видливи по првото нанесување.

Желатинот што е во составот на оваа маска ги “пегла“ ситните бори, ја омекнува и избелува кожата, ја подобрува циркулацијата во крвта. Има позитивно влијание на протеинскиот и аминокиселинскиот метаболизам на кожата, ја подобрува нејзината состојба.


Оставете коментар

___