Зошто да се мачиме кога постојат толку многу нијанси? Навистина во некои ситуации една сенка е доволна, но понекогаш миксот на шминки ќе ве направат поубави од кога и да е, особено ако станува збор за некоја свеченост.
Секоја сенка дава сосема поинаков изглед. Потемните прават очите да изгледаат подлабоко и секси, комбинирани со посветла нијанса го дефинираат и отвораат окото. Почетници во сето ова треба да почнат со мешање на слични нијанси.
Пример посветлата и потемната нијанса на една боја. Треба да се внимава и на текстурата на сенките. Не може да мешате сенка во прав со мрсна. За најдобро да видите како ќе изгледа добиената боја, мешањето правете го врз дланката (кај палецот) каде што тестирате кармин и пудра. Мешајте со прст, а нанесувајте само со четка.
Само со мека и квалитетна четка ќе може рамномерно да го нанесете измешаниот состав. Сигурно помислувате дека треба да бидете родени за да ја изведете ваквата техника, но со малку вежбање и вие ќе научите.
Мешањето можете да го изведете на два начина. Ставате од двете сенки на капакот и потоа мешајте ги. Или пак можете да нанесете една сенка на целото око, па мешањето да го изведете со нанесување на другата озгора. Одлучете се за тој што повеќе ви одговара.
Олеснително е ако првин ја ставате темната сенка па потоа мешате со посветла т.е ја осветлувате. Кога ќе решите да ставите дијаметрално различни бои, особено треба да внимавате на преминот. Ако ставате виолетова и зелена сенка, меѓу нив ставете малку бела и сина.
Никако немојте да дозволите окото да ви изгледа поделено на две бои, половина зелено полвина виолетово. Ќе изгледате како готов производ, округла сенка во две бои.
Бидете внимателни кога го правите мешањето и спојот на сенките. Започнете со виолетова, во средината нека се затемнува и нека се спои со зелено, сино и со бело, нека завршува со потемно кон најсветло зелено.
You must be logged in to post a comment Login