Група научници од Холандија и Шпанија од разговорите со испитаниците, констатирале дека ниските мажи се најљубоморни, додека пак жените со просечна висина се најмалку посесивни.
Внимателно бирајте го животниот сопатник, предупредуваат научниците. Бидејќи доколку партнерката е изразито висока или е многу ниска, таа навистина може со своите љубоморни испади да ви го претвори животот во пекол. Но за разлика од високите жени, мажите кои можат да се пофалат со натпросечна висина навистина се посакувани партнери и не се воопшто љубоморни.
Тоа го заклучиле групата научници од Холандија и Шпанија, врз основ на податоците кои ги собрале во текот на разговорите со 549 мажи и жени од овие две земји. Секој соговорник го замолиле прво сам објективно да процени колку е љубоморен, но и да објасни кои особини највеќе му пречат кај партнерот. Анализата на дадените одговори открила дека, статистички гледано, ниските мажи се најљубоморни, додека жените со просечна висина се најмалку посесивни.
Зошто е така, се прашувате? Виновна е еволуцијата, одговараат научниците. Високите припадници на посилниот пол и дамите со просечна висина во текот на еволуцијата биле најпосакувани и најбарани партнери и воопшто не морале да се грижат за конкуренцијата.
You must be logged in to post a comment Login