• Сподели на:

Постои само еден женски оргазам, сè останато е мит

___

Резултатите од најновото истражување објавено во списанието Clinical Anatomy покажуваат дека со години жените биле поврзани со сексуални проблеми што воопшто не постојат. Научниците Винчензо Пупо и Џулија Пупо во нивната студија заклучуваат дека вагиналниот оргазам не постои.

Долго време се дискутираше дали постои Г-точка, одредени испитувања покажаа дека фамозната Г-точка ја имаат само четвртина жени, додека некои сметаа дека таа не постои.

„Секоја жена е индивидуална, а во сексуалниот чин има уникатни движења и начини кои ја доведуваат до оргазам“, смета Аликс Фокс која работи за познатиот бренд Durex.

Според неа термините како клиторален оргазам или Г-точка се научно нејасни бидејќи станува збор за специфична локација. Но, со добра и квалитетна едукација партнерите можат да научат што е тоа што кај нив предизвикува врвно задоволство.

Сега, последното истражување покажа дека единствено ткиво заслужно за оргазам кај жените е клиторисот, мало подрачје што се наоѓа надвор од вагината, над нејзиниот отвор. Според Винчензо и Џулија Пупо, сите термини како Г-точка, вагинален и клиторален оргазам се неточни, а единствено како правилен термин го признаваат женскиот оргазам.


Оставете коментар

___