Ледено фрапе

Состојки:

-4 лажички нес кафе

-4 лажички шеќер

-4 дл. ладно млеко

-4 топки сладолед од ванила

-50 гр. чоколадо за готвење

-1 шлаг крем од ванила

Подготовка:

1.Подгответе 4 ладни стаклени чаши. Во секоја чаша ставете по една лажичка нес кафе и една лажичка шеќер, ставете малку млака вода и матете со миксер за нес кафе за да добиете пенеста маса.

2.Чоколадото за готвење стопете го на пареа и со него испрскајте ја внатрешноста на чашите.

3.Преку матената пена од кафе ставете топка сладолед, а потоа додајте ладно млеко и  малку ладна вода.

4.Крем шлагот од ванила подгответе го според упатството од кесичката, па во секоја чаша додајте по една лажица од шлагот. Одозгора попрскајте со малку растопено чоколадо.