Секоја невеста ќе се потруди на денот на венчавката да изгледа совршено. Еден од најважните фактори, за добар стајлинг е секако шминката. Пред да одлучите дали ќе се препуштите на раката на професионалците, сестрата или другарката или ќе се нашминкате сами, еве неколку совети на што би требало да обрнете внимание.
Голем број на невести најубаво изгледаат со природна шминка. Според тоа, најсигурно е да користите помалку шминка.
Доколку вашата венчавка почнува во дневниот термин, немојте да се нашминкате за да изгледате убаво вечерта, туку водете сметка како ќе изгледате на дневно светло.
Без разлика што користите водоотпорна шминка, водете сметка дека и таа ќе се размачка, особено ако очекувате да се разплачете. Ако носите наочари, шминката може да биде малку појака, но едноставна.
За вашата венчавка можете да се нашминкате на три начини. Класичниот стил бара црвен кармин и црно моливче на очите. Овој стил можете да го користите за прославата која ќе се одржи во ресторанот.
Невестите кои вообичаено не се шминкаат, би требало да играат на картата ‘’naturale look’’. Oдберете природна шминка која ќе ги покрие само вашите недостатоци. Овој стил идеален е за летна венчавка и венчавки на отворено.
Ако сте една од оние кои ја следат модата секоја сезона, и вашиот стил треба да биде по последни трендови. Но, тогаш најдобро е да се препуштите на рацете на професионалците.
You must be logged in to post a comment Login