Повеќето дами, уште од раното детство, сонуваат за својот принц и венчавка од бајките. Но, времињата се менуваат и вие се менувате, но тоа не значи дека на себе не можете да си дозволите венчавка за помнење.
Кога е во прашање шминката, заборавете на традицијата и внесете малку промена. Бидете храбри и одлучете се за “Smokey eyes” и црвени нокти. Меѓутоа не морате да претерувате. Бидете умерени.
Што се однесува до изборот на венчаница, можете да изберете фустан со боја на шампањ, златна или некоја над колена, а можете и во некоја боја. Доколку сте одбрале венчаница во една нијанса украсете ја со школки или на појасот ставете некои весели бои. Што се однесува до материјалот, бирајте елегантно.
Фризурата, како и украсите за коса, треба да бидат интересни и впечатливи. Косата пуштете ја или закачете, онолку колку да ја тргнете од лицето за да не ви смета во текот на денот. Не заборавајте да ставите во косата и некој интересн детаљ.
Тортата одберете ја според својот вкус, но водете сметка за таа навистина да биде вкусна.
Ако се одлучите за едноставна венчаница, кога ќе бирате букет, потрудете се да ја разбиете монотонијата. Нека вашиот бидермаер биде од полско цвеќе, без вештачки листови, шлокици и бисери.
Организирајте ја венчавката така што сите настани ќе бидат на едно место, за да не морате да се возите до општина, па до ресторан. Најдобро е венчавка во природа каде што ќе повикате матичар.
Списокот на гости составете го сами, бидејќи ако вклучите уште некој од фамилијата, веројатно е дека ќе треба да повикате повеќе луѓе одколку што сте планирале. Вашиот најважен ден во животот треба да го поминете со луѓето кои навистина ви се драги.
Бендот изберете го во зависнот од тоа каква атмосфера сакате. Наместо првиот танц да биде со валцер, смислите некоја кореографија која ќе ги воодушеви гостите, бидејќи ќе биде необична.
You must be logged in to post a comment Login