Лонгорија ја критикува Клои: Реалити ѕвезда, а не сака да зборува за приватниот живот?

Јас разбирам дека мора да постои граница и дека некои прашања навистина се непристојни, но не разбирам зошто некои реалити ѕвезди не сакаат да одговараат на лични прашања, изјави Ева

Познатата Холивудска актерка Ева Лонгорија за еден портал изјави дека не ѝ е јасно кога една реалити ѕвезда како Клои Кардашијан во интервју вели дека не сака да одговори на прашање бидејќи е премногу лично.

“Јас разбирам дека мора да постои граница и дека некои прашања навистина се непристојни, но не разбирам зошто некои реалити ѕвезди не сакаат да одговараат на лични прашања”, изјави Ева.

Имено, актерката реагираше кога Клои Кардашијан го прекина снимањето на интервјуто за австралиската ТВ емисија “Sunrise” бидејќи новинарот поставил прашање за нејзината деветмесечна внука Норт.

“Поинаку е кога сте актер и кога во интервју ве прашуваат за вашиот личен живот, кој апсолутно нема никаква врска со вашето глумење. Но, тие не се глумици, всушност тие се славни благодарејќи на нивната приватност, затоа што јавно го прикажуваат својкот приватен живот”, објасни Ева.