На интернет се појави необична информација дека раперот Џеј Зи jа „варал“ својата сопруга Бијонсе, ни помалку ни повеќе, туку со атрактивната пејачка Никол Шерзингер.
Недокажаното тврдење дека Џеј Зи имал афера со пејачката на сега веќе непостоечките „Pussycat Dolls“ се појави на блогот „Crazy days and nights“.
Иако пејачката е во врска со возачот на Формула 1, Луис Хамилтон, сепак неодамна тие се разделија на некое време, па Никол беше слободна.
Ова не е прв пат славниот пар, Бијонсе и Џеј Зи, да биде поврзан со прељуби и афери.
Во летото минатата година, помалку познатата раперка Лив тврдеше дека Џеј Зи ѝ се „пуштал“ во еден ноќен клуб.
„Џеј Зи ми се ’пушташе‘ во клубот и предлагаше да се видиме кога ќе биде во градот. Тогаш веќе беше во брак со Бијонсе. Го одбив бидејќи не сум девојка за такви работи“, изјави тогаш Лив во едно интервју на радио.
Бијонсе и Џеј Зи во моментов се најславниот пар на планетата, па прашање е колку се вистинити тврдењата од овој вид.
Никој од споменатите ѕвезди не се огласи по повод веста.
You must be logged in to post a comment Login