Анџелина Џоли открива како се подготвувала за улогата на Дизниевото остварување “Maleficent”. Костимот со рогови го носела и дома, им врескала на џбуновите во дворот и ги плашела своите деца.
“Пресреќна сум што мене ме одбраа за оваа улога. Секогаш ми паѓа тешко кога треба да го соблечам костимот со рогови бидејќи мојот лик живее во некој друг свет”, изјавила Џоли.
Исто така открива дека наметката и роговите ги носела и дома…
“Го носев костимот и дома за да вежбам. Шетав со наметката, потоа излегував во дворот, врескав по грмушките за го извежбам гласот. Се однесував како да сум луда во тој период”, изјавила Џоли.
Истакнува дека нејзиниот лик е елегантен. Дека станува збор за “злобната кралица” која сѐ држи под контрола.
“Кралицата е елегантна и сѐ држи под контрола! Навистина е тешко да се одигра нејзиниот лик. Долго време работев на мојот глас… Поинаква е, полна е со себе и има специфичен глас – страшен и мрачен”, раскажува Џоли.
Ни откри дека нејзините деца мислат дека ликот кој го игра е вистинско зло.
“Навистина, моите деца тоа го мислат. Но не е кралицата само злобна, суштината на ликот не е во тоа. Приказната не завршува тука”, открива Анџелина.
Кога им соопштила на децата дека ќе глуми во “Maleficent”, тие биле уплашени.
Седнав со нив со собата и им ја раскажав целата приказна. Сепак најмногу се плашат од жолтите очи и забите. Но, има нешто во тие рогови и високи потпетици… Имав и многу комични ситуации. Удирав со роговите по многу предмети низ домот, признава Анџелина.
You must be logged in to post a comment Login