Анџелина Џоли и Бред Пит чекаат седмо дете?

Глумицата Анџелина Џоли е трудна, а забременила со вештачко оплодување, пишуваат странските медиуми.

Венчавката на Анџелина и Бред Пит е најочекуваната во светот на шоубизнисот. Откако глумецот и даде прстен на Анџелина, претпоставките за датумот и местото на венчавката се се почести. За плановите за свадба парот до сега не сакаше ништо да открие, меѓутоа глумицата во едно интервју сепак открила некои детали.

,,Бред и јас ќе се венчаме, тоа е сигурно. Исто така е сигурно дека не брзаме со свадбата, ќе го направиме тоа во моментот кога тоа совршено ќе одговара на нашите деца и на нас”, кажала глумицата.

,,Децата ни се главен фактор при планирањето, но нивните идеи се помалку хистерични. Не можат да одлучат дали сакаат венчавката да биде голема пејнтбол забава или Дизни” кажала Анџелина.

Додека Анџелина зборува за плановите за свадбата, амерканскиот таблоид “Star” објавил дека глумицата е повторно трудна. Забременила со вештачко оплодување, а веселата вест таа и Бред ја соопштиле на денот на мајката. Глумицата има потреба за храна и наводно веќе се здебелила шест килограми. Пресреќна е за бебето.

Бред и Анџелина веќе имаат шест деца.