Први симтоми на парадентоза

Парадентозата е бактериска инфекција која ги оштетува непцата и коските кои ги држат забите во устата. Може да зафати еден или повеќе заби.

Еден од првите знаци на парадентоза е повремено крварење на непцата при миење на забите како и често воспаление на непцата. Доколку не се лечи, воспалението се шири и може да дојде до губење на забите.

Формирањето на парадентозни џепови ( простор помеѓу воспалените непца и коренот на забите) е најважен знак на парадентоза. Хронично воспалние во џеповите на непцата доверува до оштетување на мекото ткиво и настанување на мали рани, а бактериите преку нив лесно стигнуваат до крвта.

Покрај тоа што ја нарушува естетиката, парадентозата може да загрози и други органи, па дури да доведе до разни заболувања.

Понекогаш парадентозата не мора да биде поврзана со крварење на непцата, црвенило и оток. Поради тоа некогаш не можете сами да ги забележите почетните фази. Заради тоа важно е да водите добра орална хигиена и редовно да посетувате стоматолог.

Парадентозата може да настане поради следните фактори:

– никотин

– хормонско пореметување

– стрес

– лоша хигиена на устата

– неправилна положба на забите