• Сподели на:

Подгответе се за џогирање

___

Џогирањето е одличен начин да бидете во добра форма и да останете фит. Ова е еден од наједноставните и најефтините спортови. Временските услови се на ваша страна, затоа подгответе се за џогирање. Еве неколку совети:

1.      Одберете си удобни патики. Доколку немате, посетете една од спортските продавници и купете патики за трчање. И ланскиот модел ќе ви заврши работа. За униформата за трчање не се мислете многу, сигурно во вашиот орман ќе најдете тренерки, шорцеви или хеланки. Искомбинирајте ги со маичка или дукс и подготвени сте за џогирање.
2.     Дефинирајте ја патеката за трчање. Во зависност на тоа колку сте физички спремни, дефинирајте ја патеката. На самиот почеток трчајте споро, доволно е да поминете 3-4 км.
3.     Одлучете каде ќе џогирате, во природа или на трака. Со џогирањето на отворено вие уживате во пејсажната природа и чистиот воздух. Но внимавајте, подобро е да трчате на трева, отколку на бетон. Цврстината на бетонот може да предизвика болка во колената или потколениците. Трчањето на трака вообичаено е поздодевно, како да немате никаква цел, постојано сте на истото место. Освен тоа, движењето кое е во основа наменето за тетивата е потопомогнато од движењето на траката, така што вие трошите помалку енегрија отколку кога трчате на отоврено.
4.     Истегнете ги мускулите.Истегнувањето правете го пред и по џогирањето. Но водете сметка, потребно е да ги истегнете мускулите на рацете, листовите, грбот,задникот како и задните мускули на бутовите.
5.     Трчајте со пријател/ка. Видете кој од вашите пријатели сака да џогира и почнете заедно. Доколку никој не е заинтересиран, не се демотивирајте, почнете сами.
6.     Џогирајте секој ден. Ова е од суштинско значање за да стекнете навика за трчање. Доколку почувствбувате дека ви е потробен одмор, тогаш направете пауза еден ден во неделата. Ако чувствувате умор, тогаш скратете ја патеката или трчајте побавно. Веќе наредниот ден ќе се чувствувате подобро.
7.      Уживајте! Џогирањето ќе ви помогне да се чувствувате подобро, и физички и емотивно. Ќе бидете горди на обликот на вашето тело, а тоа ќе ве направи посреќни.


Оставете коментар

___