Конзумирањето по едно јајце секој втор ден ја спречува појавата на дијабетесот, покажале резултатите од најново истражување.
Четири јајца неделно го намалуваат ризикот од дијабетес тип 2 за една третина. Иако претходни истражувања покажале дека „силната“ храна како полномасното сирење и јогуртот можат да бидат клуч за здрава тежина, ова финско истражување е прво кое ги проучило само јајцата. Повеќе од четири јајца немале никакви позитивни дејствија.
Истражувачите откриле дека јајцата не само што го намалуваат ризикот од дијбетес, туку го намалуваат и нивото на шеќерот во крвта. Меѓутоа, голем број нутриционисти во текот на последните 20 години јајцето го прогласиле за нездрава храна поради холестеролот. Потоа белката е прогласена за добра, а жолчката за опасна.
– Кај нас во Финска јајцата никогаш не се сметале како дел од нездрав живот, туку напротив. Освен добриот холестерол, јајцата содржат бројни хранливи состојки кои позитивно влијаат на метаболизмот, мастите и воспалителните процеси, изјави нутриционистот Јирки Виртанен.
You must be logged in to post a comment Login