Дали очите можат да откријат во каква состојба е вашиот мозок?

Психолозите сметаат дека малите крвни садови од вашите очи можат да кажат во каква состојба е вашиот мозок.

Тие откриле дека луѓето со пошироки вени постигнуваат полоши резултати на IQ тестовите во средните години. Други фактори, како што се дијабетис, пушење или пак економскиот статус не можат да бидат виновни за резултатите.

Крвните садови на очите можат да се одраз на крвните садови на мозокот бидејки се слични по големина, структура и функција, а се развираат и од иста клетка.

Претходните истражувања ги поврзуваат крвните садови на очите со други болести, како што се деменција, кардиоваскуларни болести или мозочен удар, но тоа е истражувано кај стари луѓе. Најновите истажувања покажуваат дека здравјето на очите е показател за здравјето на мозокот, во рана возраст.

Што тоа значи за нас?

Дури и ако немате проблеми со видот, ретиналната слика се чини далеку повеќе битна од тестот за видот. Тоа може да биде најлесниот начин да ја проверите состојбта на мозокот, но и добар начин за да ги пратите промените ако сте под висок ризик од кардиоваскуларни заболувања. Ако сте во состојба ова да го приметите, може да си помогнете во промените кои се случуваат во средните година и наговестуваат здравствен проблем. Овие промени можат да бидат и незабележливи, бидејки симптомите можат да се покажат многу покасно.