Кога имате главоболка, најверојатно прво посегнувате по таблетите против болка. Сепак на лековите им треба одредено време за да почнат да делуваат.
Наместо таблети против болка испробајте некои едноставни и природни начини со чија помош веднаш ќе ја победите главоболката.
Метода со молив
Ако мислите дека вашата главоболка е предизвикана од стрес, обидете се со метода држење на молив во уста. Кога сте под стрес ви се напрегнуваат мускулите на вилицата, а тие автоматски предизвикуваат напнатост во подрачјето на ушите и предизвикуваат главоболка.
Ставете го моливот хоризонтално на устата и држжете го со усните. Немојте да го гризете. На тој начин ќе поттикнете да се опуштат мускулите на вилицата и ќе се ослободи напнатоста во пределот на ушите.
Масажа со препарати на маслена основа
Ако вашата главоболка е предизвикана со воспаление на синуси, обидете се критичното подрачје да го измасирате со етерично масло од пеперминт. Маслото разредете го со било кое масло за јадење пред да го нанесете на кожата. Пеперминтот ќе ја ублажи главоболката предизвикана од синусите, но ќе го поттикне и нивното чистење.
Акупресура
На вашате дланка има точки кои, ако ги притискате, може да ви ја ублажат главоболката. Пронајдете го местото каде што коската од показалецот и палецот се соединуваат. Притиснете ја цврсто и правите лесни кружни движења околу 3 минути.
You must be logged in to post a comment Login