Победете ги воспалените мускули

Ден по напорниот тренинг, најдобро решение е да правите класични кардио вежби за да се опоравите од воспалените мускули.

За се да биде поинтересно, но и да му дадете на телото нови предизвици, ви претставуваме план на кардио вежби, користејќи три различни справи од теретаната. Траењето на вежбите трае 45 минути.

0:00 – 10:00 Веслање – подесете го отпорот помеѓу 3 и 5; забрзајте го движењето на последните 15 секунди секоја минута.

10:00 – 20:00 Орбитрек – подесете го отпорот помеѓу 6 и 8; возете напред првата минута, назад втората. Менувајте го правецот секоја минута.

20:00 – 30:00 Трака за трчање – наместете ја брзината така што ќе можете да издржите 10 минути.

30:00 – 35:00 Веслање – наместете го амортизеро помеѓу 4 и 5. Забрзајте ги движењата на последните 20 секунди секоја минута.

35:00 – 40:00 Орбитрек – наместете го отпорот помеѓу 6 и 8.

40:00 – 45:00 Трака за трчање – наместете ја брзината на 5.6 km/h.

Ако не го сакате трчањето возете точак. Доколку вашата теретана ги нема сите овие справи, немајте гајле. Надвор од теретаната можете да правите било која активност како трчање, пливање, аеробик и сл. Важно е да сте активни.