• Сподели на:

Научно објаснување : Зашто мажите се верни?

___

Клучна улога во верноста има хормонот окситоцин, поради кој на мажот, неговата партнерка во однос на другите жени му изгледа попривлечна, заклучиле истражувачите на едно истражување спроведено на универзитетот Бон во Германија.

Истражувачите собрале 40 хетеросексуални мажи кои живееле со партнерката и редовно им давале спреј за нос кој содржи окситоцин.

Моногамијата е раширена помеѓу луѓето и тоа е тоа што не разликува од останатите цицачи, а истражувачите кажуваат дека веќе подолго време е енигма зашто е тоа така. Откриле дека мажите со високо ниво на окситоцин во мозокот својата партнерка во споредба со други жени ја доживуваат попривлечно и попосакувано. Тоа значи дека можеби хормонот е заслужен за верноста и моногамијата.

Овој хормон исто придонесува при погледот на партнерката да се активира центарот за награда, а при поглед на на колешки или познанички таа реакција ја нема.

Овој биолошки механизам делува слично како дрога, кажуваат научниците и додаваат дека тоа е причината зашто партнерите толку често се допираат. На тој начин се одржува високо ниво на окситоцин кој ја зацврстува врската.


Оставете коментар

___