Непланираниот секс може да стане многу позначаен и полесно да се претвори во стабилна врска отколку оној планираниот – открива едно истражување на Универзитетот Ајова. Така, денес, поголемиот број од врските настанале од секс кој на почетокот се сметал исклучиво за физички чин и за нималку романтичен.
Повеќето прирачници за наоѓање на вистинскиот партнер и поголемиот број љубовни терапевти забрануваат секс на првиот состанок и истакнуваат дека тоа е најголемата грешка, бидејќи ја упропастува приликата за подлабока врска. Но, со тоа не се сложува д-р Бетани Маршал, авторка на делото „Кршење на правилата: Треба ли да се работи на врската или треба да се откажете“.
Според нејзиното мислење, мажите и жените кои строго се држат до наметнатите популарни правила грешат и така пропуштаат добри прилики во љубовта. Така, сè повеќе од бакнеж на првиот состанок се смета за неморално и „лесно“, а потребо е да поминат барем три успешни состаноци за да се има секс со потенцијалниот партнер.
„Играњето според зададени правила го одвлекува вниманието и поради тоа ја занемаруваме интуицијата и сè она што сме го научиле од сопствено искуство“ – тврди Маршал.
Според неа ова се грешните правила кои нè ограничуваат при наоѓањето на совршениот партнер:
1. Не брзај со сексот – задолжително мора да поминат три состаноци
2. Мажите треба да го направат првиот чекор
3. На првиот состанок дозволено е само бакнување
4. Жената не треба да му се јавува на мажот и треба колку што може повеќе да ги избегнува неговите повици за тој да стане заинтересиран
5. На почетокот од еден до друг состанок треба да помине барем една недела
Ние нема многу да коментираме, ниту за горенаведениот список ниту за ставот на д-р Маршал. Оставаме на Вас самите да одлучите дали ќе играте според „правилата“ или пак ќе терате по свое. Како и да постапите, се надеваме дека ќе го пронајдете она што го барате.
You must be logged in to post a comment Login