• Сподели на:

Како “статистички” да ја пронајдете вашата љубов?

___

Во љубовта е потребно да имате три желби, бидејќи така, статистички, полесно ќе дојдете до партнер, тврди Тај Таширо, професор на Универзитетот во Мериленд.

Како и Аладин, треба да издвоите три најважни атрибути кои мора да ги има идеалната личност.

На пример, да биде убава, интелигентна и забавна, но не може да бара да биде и богата, бидејќи постои голема веројатност дека таква личност нема никогаш да пронајдете.

Американскиот експерт смета дека нашиот пристап кон иделниот партнер е погрешен и им апелира на самците да се фокусираат во потрагата по саканата личност на она што е најважно.

Во својата книга “Наука за вечна среќа” (The Science of Happily Ever After) тој објаснува дека “традиционалниот пристап води кон тоа наместо врапче во рака, да посакаме гулаб на гранка”, пренесува “New York Post”.

“Доколку сакаме се, ќе останеме без ништо”, вели Таширо, истакнувајќи дека е неопходно да се промени начинот на кои го бараме нашиот партнер.

Според него, основно е да не се “расфрламе со желбите”. Доволно е да издвоиме три желби, односно карактеристики кои би сакале да ги најдеме кај другиот.

Запрашан за тоа на кои квалитети треба да им се даде предност, Таширо вели дека тоа секако не се убавината, ни богатството, бидејќи тие не се гаранција за среќа во љубовта.

Подобро е, смета тој, да посакаме “симпатична”, “добра” личност со “смисла за хумор”.


Оставете коментар

___