За пет минути – три различни видови шминка

Ако немате време или едноставно „ве мрзи“ да се шминкате, не значи дека не можете и со помалку труд да изгледате убаво.

1. Дискретна сензуалност – Убаво нашминкани очи не значи мноогу сенка или многу темна сенка. Убавиот и сензуален изглед можете да го постигнете и со крем-сенка во беж сива боја, со два слоја маскара. За нагласени очи полни со сјај, едноставно – со прст нанесете од кремата на очните капаци. На внатрешните агли од окото нанесете малку од белата сенка и добро размачкајте го за да не се гледа преминот од една во друга боја. Завршете со два слоја маскара.

2. Боја за нагласување – Тушот за очи и понатаму е добар нагласок за очите, независно дали користите течен или во гел, тој останува на капаците по цел ден. А кога зборуваме за боите, моливчето за очи не мора секогаш да биде црно. Пробајте и туш во боја. Нагласете ги капаците со светла и неутрална сенка. Нанесете туш за очи – почнете од внатрешните кон надворешните агли на окото и постепено проширувајте ја линијата. Кога ќе поминете на надворешниот дел, линијата закривете ја кон горе (како да штиклирате). Завршете со два слоја маскара.

3. Светли smokey eyes – За овој класичен вечерен изглед, заборавете на црното моливче за очи. Наместо тоа, користете само една неутрална сенка. Светлата сивкаста боја или темносивата и сребрената се бои кои стојат на поголем број жени, па изберете една од нив. Со четкичка нанесете сенка на целиот капак. Горниот агол од очните капаци исенчајте го и ублажете го со прстите. Со влажната четкичка за туш и истата сенка – исцртајте линија над трепките. Потоа со четкичка за сенка истата боја нанесете ја во тенка линија по должината на долниот дел од трепките. Нанесете два слоја маскара и потоа – подготвени сте!