Сите знаеме колку пати само излетуваме низ врата за на работа, а сепак сакаме да изгледаме средено и да имаме барем малку шминка на нас. Крилестиот алајнер е одлично решение за тие неколку минути, затоа погледнете го следниот трик да постигнете модерен и среден изглед во оние брзи утра за помалку од една минута.
Се што ви треба е црн или кафен алајнер, во гел или течен, четкичка за развлекување и селотејп.
Едноставно поставете лентичка од селотејпот на наворешната линија на окото – користете ја линијата на долните трепки за поголема прецизност. Со помош на четкичката се нанесува алајнерот по должината на селотејпот. Селотејпот е одличен за да добиете права линија која е потешко да се добие со слободна рака. Потоа треба да се постигне триаголна форма, која треба да ја постигне илузијата на крилеста форма.
Доколку имате некоја минута повеќе, можете да го трансформирате крилестиот алајнер за пософистициран изглед преку ден. Дополнително ќе ви треба темно кафена сенка за очи и моливче со додаток за зачаден изглед. Со помош на додатокот на моливчето разнесете ја сенката за очи на алајнерот. Започнете да ја размачкувате сенката движејќи се нагоре по очниот капак. Со тоа го трасформирате изледот во зачадени мачкести очи совршени за било која пригода.
You must be logged in to post a comment Login