Доколку сакате да ја осветлите вашата коса или да извлечете прамени, тоа може да го направите со помош на еден од омилените чаеви. Осветлувањето на косата со камилица е навистина едноставно. Дознаете како.
Камилицата е посебно наменета за оние со плава коса или посветла (или светло смеѓа коса). Можете да користите само чај од камилица или да го повикате на помош и лимонот.
Третман со камилица
Потебни ви се: едeн филџан суви цветови од камилица (најдобро е да не користите камилица во вреќички) и стаклен сад ( бидејќи садот од метал може да реагира со камилицата и ефектот да биде уништен).
Прелите еден филџан сушени цветови од камилица со два филџани жешка вода. Ставете на шпорет и оставете да се вари 30 минути. Отстранете од огнот, покријте го садот и оставете да отстои додека стане млак.
Исцедете го со пластична цедалка во посебен сад. Измијте ја косата, како и обично, а добиениот силен чај искористете го за финалното плакнење на косата. Правете го ова наведнати над садот,и соберете го чајот од камилица, па со него повторно измијте ја косата. Повторувајте го ова неколку пати.
Најдобро е косата да ја сушите на сонце , бидејќи така бојата ќе биде најдобра, но и сушењето со фен со(благ млаз на топол воздух) може да помогне. За најдобар ефект, повторувајте ја постапката неколку пати месечно.
You must be logged in to post a comment Login