Ако ви снемало пена/крема за бричење, можете да употребите регенератор за коса. Поради својата текстура тој е многу подобра опција отколку гелот за туширање или сапунот.
Кога ќе забележите дека ноктите ви пожолтеле, лесно може да ги избелите со мешавина од лимонов сок и сода бикарбона. Резултатот ќе биде видлив веднаш.
Доколку на телото имате нанесено бронзер, а се плашите дека би можел да се размачка на вашата светла облека, по неговото нанесување лесно испрскајте ја кожата со лак за коса. На тој начин ќе го спречите размачкувањето.
Вашата кожа на лицето делува уморно, а мора брзо да се нашминкате? Изматете белки од јајца и ставете ги директно на лицето. Оставете ја маската да делува 5-10 минути, а потоа исплакнете. Ефектот ќе биде брзо видлив, вашата кожа ќе делува одморено и затегнато.
Ако ви е потребен брз пилинг, измешајте кафеав шеќер со мед и нанесете го на кожата. Масирајте нежно, а потоа исплакнете. Мешавината од маслиново масло и шеќер исто така може да се употреби и како пилинг за сува кожа.
You must be logged in to post a comment Login