Совршен “nude” мејкап во шест едноставни чекори

Изгледот на лице на кое е природно е нагласена свежината спаѓа во најтешките предизвици во шминкањето. Повеќе сезони наназад, со доаѓање на топлите денови ”nude” изгледот станува најпосакуваниот избор дури и на гламурозните настани. Овој изглед се состои од благо истакнати очи со отворен поглед, природно румени образи и сјајни усни. Како правилно да ги истакнете контурите на лицето и природната убавина ви откриваме во шест чекори.

1. Хидрантна крема

Почетокот на секое добро шминкање е нахранета кожа, а за тоа е потребно квалитетна хидратантна крема. На чиста кожа нанесете крема во тенок слој и оставете неколку минути да се впие, на овој начин кожата ќе биде блескава и природно сјајна. Трик кој го освежува лицето е мало нанесување на крема на врвовите на јаболчиците откако ќе завршите со шминкањето.

2. Течна основа половина нијанса потемна од бојата на тенот

За да го добиете овој изглед, потребно е да одберете полесна текстура на течна пудра половина нијанса потемна од природната боја на тенот. Основата нанесете ја странично на челото, на челната коска, под јаболчниците, под долната усна и на брадата, и мал слој од страните на носот. На останатите делови од лицето – на средината на челото, носот и брадата нанесете хајлајтер. На овој начин ќе создадете визуелно нагласени црти на лицето, со природно исенчани контури. Завшрниот потег направете го со коректор кој треба да го нанесете само на подочниците.

3. Очи нагласени со светли нијанси

За природно нагласување на очите, користете бело или моливче во боја на кожата на ивиците на долниот капак. На овој начин ќе го отворите погледот и ќе создадете одморен изглед. На капакот нанесете сенка во две топли, светли нијанси. За нагласен поглед, со тапкање нанесете светло моливче за очи на ивицата на надворешните страни на горниот капак.

4. Уредно исчешлани веѓи

Клучна улога за “nude” изглед на лицето се веѓите, тие треба да бидат уредно исчешлани со минимално нанесување на препарати. Доколку имате ретки веѓи, за пополнување на празните површини користете моливче за нијанса посветло од природната боја и при исцртување пратете го нивниот природен раст.

5. Балзам за усни или сјај во дует со коректорот

Кармин во природна боја или нијансиран сјај за усни никако нема да создаде природен изглед како што тоа може да го направи квалитетниот балзам за усни. Регенеративните балзами ја хранат површината на кожата, и создаваат мазен слој кој визуелно ќе ги направи усните полни. Трикот за природни усни е тенок слој на коректор преку кој е потребно да нанесете малку прозирен сјај.

6. Руменило во нежни нијанси на праска

Природниот изглед е нецелосен без руменилото, кое кога е во прашање “nude” изгледот е неопходен, бидејќи на лицето создава најбрз ефект за природност. Нијансата на руменилото треба да биде помеѓу розова и боја на месо за девојките со блед тен, додека нијансата на праска е идеална за потемен тен. Руменилото секогаш нанесувајте го на крајот од шминкањето, почнувајќи од врвот на јаболчниците со брзи потези кон слепоочниците.