Не можете да замислите какви тајни за убавина крие вашата кујна, кои можат да бидат исклучително ефикасни за нега на осетливи усни. Ви ги предлагаме највкусните:
Шеќер + кафе
Измешајте малку бел и кафеав шеќер со малку мелено кафе (кафето е одлично средство за пилинф и за зголемување на волуменот на усните). Додадете маслиново масло и мед. На крајот додадете и малку лимонов сок, кој чисти и избелува. Втријте ја оваа смеса на усните со нежни кружни движења. Измијте ги усните со топла вода, исушете ги и ставете лабело, или уште подобро, витамин Е (во капсули).
Шеќер + мед
Измешајте мед и шеќер. Втријте ја смесата на усните околу три минути, а потоа исплакнете со млака вода и намачкајте со хранливо лабело или мелем. За најдобри резултати, повторете ја оваа постапка еднаш неделно, а ставајте лабело секој ден. Во смесата со мед и шеќер може да додадете и маслиново масло, за вашите усни да бидат нежни и меки.
Шеќер + лимон
Ова е идеален третман за испукани усни. Половина лимон втријте во кристален шеќер, а потоа со таа смеса истријте ги усните. Оваа постапка треба да трае околу три минути. Потоа исплакнете со ладна вода. Усните ќе ви бидат неверојатно мазни и меки, особено ако по оваа постапка ги премачкате со лабело.
You must be logged in to post a comment Login