Овесна каша: Шест рецепти во служба на убавината!

Природните рецепти за нега на кожата неможат да одмогнат, тие само помагаат и се добредојдени во негата на телото, лицето и косата.

Овесната каша е богата со фитохемикалии кои ја смируваат иритираната и оштетена кожа. Нежно ја чисти од нечистотии и го измазнува лицето, па затоа е неизоставен дел во домашните маски. Освен што делува како пилинг, одлична е како тоник за кожа зошто ги отстранува вишокот маснотии и го спречува чешањето.

Пилинг за кожа

Состојки: 1 лажица овесна каша, 1 лажица лиминов сок, 2 лажици јогурт.

Подготовка: Измешате ги сите состојки. Добиената паста со кружни движења в тријте ја во лицето и ставете да делува 10 минути. После тоа измијте се. Овесната каша ќе ги отстрани сите изумрени клетки на кожата, лимоновиот сок ќе го дезинфицира лицето, а јогуртот ќе ја нахрани кожата.

Нега на раце

Состојки: 5 лажици овесна каша, 2 лажици мед, лажица маслиново масло, лажица млеко Подготовка: Состојките ставете ги во блендер а добиената смеса нанесете ја на рацете. По ова, ставете ракавици и оставете да дејствува 30 до 60 минути. Оваа маска е идеална за чувствителна кожа затоа што е нежна и ја смирува иритацијата.

Купка за тело

Состојки: Пола лажица овесна каша, етерично масло по желба

Подготовка: Во када со топла вода додадете пола лажица овесна каша и неколку капки етерично масло по желба. Добар избор би бил лаванда затоа што опушта. Уживајте во купката 20-30 минути. Овесната каша има антиоксидантски својства, делува против воспаленија и ја омекнува кожата. Предност на оваа купка е што во неа може да ужива било кој тип на кожа.

Шампон за суво миење

Освен за кожата, овесната каша е одлична и за скалпот на главата и делува како природен шампон за суво перење. Доволно е да втриете неколку зрна на темето па да се расчешлате. Овесната каша ќе ја впие вишокот маснотија и вашата коса подолго време ќе изгледа свежо.

Овесна каша за изгореници од сонце

Таа е богата со липиди и протеини кои и помагаат на кожата да ја задржи влагата и да спречи сушење. Токму заради ова помага во лечење на изгореници од сонце, отстранува црвенила и ја ублажува егземата. Доволно е само овесната каша да ја ставите 20 минути во ладна вода и да се нанесе на изгорениот дел. Треба да стои додека не се исуши.

Маска против акни

Состојки: 3/4 мала шоља овесна каша, вода

Подготовка: во сад ставете ги состојките и варете ги минута до две. Откако ќе се олади, нанесете ја на лицето и оставете да делува 10 до 20 минути.  Овесната каша ја чисти нечистотијата од порите на кожата и дејствува смирувачки заради што е одличен избор за воспалена кожа.