Додека научниците водат дебати за тоа дали кафето е здраво или не, колку кафе треба да пиете дневно и слично, едно е сигурно, кафето е одлично за кожата кога станува збор за есенска нега.
Најдоброто во врска со оваа домашна маска за лице и тело е тоа што сите состојки веќе ги имате во вашата кујна. Миксот мириса неверојатно добро, но сјајот кој вашата кожа ќе го има по третманот ќе биде уште подобар. Кафето е богато со антиоксиданси, одлично за нега на сува и уморна кожа, овесните снегулки се одлични за пилинг, медот ја прави кожата мазна и мека на допир, додека циметот ќе и даде сјај.
Состојките претставени подолу се однесуваат на маска за лице. Доколку сакате да направите смеса за целото тело дуплирајте го рецептот.
Потребни состојки
- 1 шолја талог од кафе
- 2 лажици мелени овесни снегулки
- 1 лажица мед
- 1/4 лажица цимет
Измешајте ги кафето, овезните снегулки, медот и циметот во мал сад. Мешајте се додека не добиете смеса со текстура на паста, а потоа внимателно нанесете го миксот на кожата (без триење!), при тоа избегнувајте контакт со очите. Оставете ја смесата да одстои 20 минути, а потоа исплакнете со топла вода.
Ако имате чувствителна кожа, намалете ја количината на цимет или сосема исклучете го.
You must be logged in to post a comment Login