Топ бикини трендови за ова лето

„Сафари мотиви и амборџински шари.. ретро модели, тантели, метални копчи.“

Сето ова ќе биде во тренд на сите светски плажи ова лето, па доколку сеуште не сте си набавиле нов костим за капење и не сте заминале на одмор, тогаш еве ви неколку совети за тоа како вашето ново бикини би требало да изгледа.

Гламур на 50-тите

Оваа сезона повторно ќе бидат во мода бобици, хавајски принтови, морнарските пруги.. Доколку сакате да изгледата гламурозно на некоја плажа, тогаш наш совет е да погуглате и да видите како тоа го правеа девојките во 50-те, 60-те, 70-те.. Се што треба да направите е да го изгуглате зборот pin-up!

Африка

Ова лето вистински хит се етно мотивите на американските домородци, на Амборџините и Мароканците, т.е. чудесната Африка. Па доколку сакате да изгледате предизвикувачки и секси, тогаш одберете нешто што ќе зрачи со повик за забава и авантура.

Светликавост

Златото, блескавоста и светликавите материјали се исто така присутни оваа сезона. Овој тренд им е омилен на оние девојки кои сакаат да бидат забележани, а со ваков тип на костим за капење тоа ви е повеќе од сигурно.

Тантели и песок

Секси долната облека полека се префрла од приватна атмосфера, во јавноста. Многу елементи карактеристични за овој тип на облека, денес се користат и за костимите за капење. Па токму од тие причини понекогаш не можете да ја забележите разликата помеѓу бикините и секси долната облека. Доколку ви се допаѓа нешто такво и имате намера да изгледате секси, вие сте на вистинскиот пат.