Модните критичари најчесто немаат да кажат многу убави работи за годините на слободата и децата на цвеќето. Тврдат дека 70-те донеле само грди кафени принтови, многу метри непотребен материјал и најконтроверзниот облик на фармерки – ѕвонарките.
Како се носи оваа гардероба: За среќа, од оваа дистанца знаеме да ги препознаеме и добрите страни на таа деценија. Кажете им „не“ на старомодните принтови и запаливите материјали и ви преостанува совршената силуета создадена за високите девојки. Во тие години не случајно беа популарни (превисоките) платформи, бидејќи за ѕвонарките ви се потребни токму тие неколку сантиметри плус. Шарените макси фустани и кул комбинезоните се шик, модните верзии од 70-те можете да ги носите за вечерните излегувања. Сите овие набрани ткаенини ќе им одговараат на жените кои се градени како јаболко. За трудниците оваа декада им открива каде може да најдат адекватна гардероба за себе си.
Во сезоната пролет/лето 2014 инспирација нека ви бидат: Gucci, Alberta Ferretti, Diane von Furstenberg, Christopher Kane, Hermés, Dries van Noten, Emilia Wickstead.
You must be logged in to post a comment Login