Наспроти мат, пополчениот под во престижната париска школа Ecole Nationale Superieure des Beaux Art, модниот вошебник Alber Elbaz ја претстави колекцијата во која од првата до последната минута од ревијата, пистата блескаше во светлуцави креации!
Металик тул, сјајна свила, блескав твид, свтлуцав ламе, раскошен брокат и ткаенина од крут но сепак богат волумен кој кај секој модел со невидливи зборови стоеше “ јас сум супер Lanvin жена”, Alber коирстеше и светли нијанси на смарагдно зелена, златна, топла праска боја, бронзена, рибизла, костен…
Голем број креации, Elbaz ги украси со ситни драгоцени камења со цел да додаде екстра ефект на креациите, па често имаше впечаток дека гледаме дефиле на нежни, сензуални драгоцени камења, кои сјаат како месечина во мрачната, егзотична ноќ.
Во колекцијата доминираа фустани бидејќи Elbaz има неверојатен талент да од крута форма на фустани со небичен крој и штепови, направи женствени, славејќи ја заносната силуета на секоја жена.
Британскиот модел Edi Campebell се појави во ламе фустан од розов, спирален карнер, а по неа следеа креации кои покажаа дека кај Elbaz, претерано, не постои : металик ламе блуза и чипкана сукња, џез фустан со низок струк и тенок каиш, пенкало фустан со карнери и свилена блуза, и широк кожен каиш, во пар со крзнена чипкана јакна.
Со желба малку да го смири изборот на материјали и форми, Elbaz, направи мала пауза со модели инспирирани од машки одела, од кои посебено остави впечаток комбинацијата на твид, панталони со шљокици во свилена боја, во пар со блуза и огромна машна, и златна, блејзер јакна.
Аксесоарите исто така беа ефектни, а посебно внимание имаше на “garbage” торбите, но и гломазен накит со име на брендот. Чевлите блескаат исто како и креациите: сандали со пети украсени со ситни каменчиња, додека торбите беа најразноразни, од ташна од крокодилска кожа, клуч торбица со златни, крупни кристали, до еднобојни, мали четвртасти торби на долг и тенок каиш.
You must be logged in to post a comment Login