Ако сте нов родител, веројатно се прашувате како да го облечете бебето, односно колку слоеви облека е потребно на бебето. Тоа, секако, зависи и од годишното време, но имајте во предвид дека поголемиот број на родители ги облакаат децата така што им е претопло.
Температурата на просторијата во која детето седи треба да биде помеѓу 20 и 22 степена, со влажност на воздухот од околу 50 и 60 проценти. За време на бањањето, кога бебето е голо, просторијата треба да е некој степен повеќе.
Здраво дете, бидејќи се наоѓа во фаза на адаптација на надворешниот свет, ако се наоѓа на препорачаната температура, би требало да е облечено слоевито: памучно боди, маица и панталони или едноделно одело е сосема доволно, а при рака имајте и лесен покривач. Ако температурата е пониска, можете да додадете уште еден слој облека.
Како да знаете дали на бебето му е ладно или топло?
Опуштено бебе, со благо подигната рака која не е испотена, се наоѓа на пријатна температура. Бебе кое е на ладно ќе биде малку згрчено, ќе спие немирно, може и да се тресе. Во тој случај дополнително облечете го.
Бебе на кое му е топло, има румени образи, се поти и спие немирно. Пробајте во тој случај да го отскриете малку или соблечете му еден слој облека.
You must be logged in to post a comment Login