Цуцлата лажливка може да биде спас кога бебето има изразен нагон за цицање. Но, откако цуцлата ќе си ја заврши работата со задоволувањето на потребите за цицање, треба што побргу да се ослободите од неа, бидејќи колку повеќе чекате, толку потешко ќе ви биде.
Најдобро е цуцлата лажливка да ја отфрлите од употреба до 6-от месец на бебето, односно некаде помеѓу четвртиот и шестиот. Ова е времето кога ослободувањето од неа ќе биде најбезболно, бидејќи во овој период нагонот на цицање се намалува, а првите заби само што не почнале да излегуваат.
Што можете на правите?
Доколку сепак не сте го направиле ова на време, прочитајте некои од овие совети кои можете да ги искористите за да му помогнете на бебето да ја заборави цуцлата.
- Обидете се да го ограничите времето на употреба на цуцлата; на пример само пред спиење или само како утеха.
- Никогаш не служете се со сила или казнување за да го одвикнете детето од цуцлата. Вклучете го во одлуката само да се одвикне од неа и дајте му шанса да ја стави „на некое скришно место“ или да ја тргне „на некое време“. Може да ја стави под перница додека спие, а кога ќе се согласи на вакво нешто, фрлете ја в ѓубре. Потоа секако, треба да измислите приказна дека некој ја зел.
- Пофалете го детето ако забележите дека процесот на одвикнување оди на подобро. Кажете му дека се гордее што е умно и како сега веќе е големо, но допуштете му да изрази и незадоволство доколку е вознемирено или луто.
- Ако по некое време детето повторно ја побара цуцлата, бидете строги и кажете му дека повеќе нема да има цуцла.
You must be logged in to post a comment Login