Еден од најновите и најтоплите трендови во дизајн на кујна, всушност и не е нов, бидејќи се работи за класична бела кујна. Изгледа како овој вечно популарен изглед на кујните да добива се повеќе приврзаници.
Карен Вилијамс, дизајнерка на кујни од Њујорк, кажува дека белата кујна никогаш нема да излезе од мода бидејќи е безвременска. Вилијамс, дала неколку главни прричини зашто треба да одберете бела кујна.
Идеална за големи и мали простории
Без разлика дали сакате урбан стил, или само уредување на кујната во викендицата, со белата боја никогаш нема да погрешите. Белата боја визуелно може да го отвори и малиот простор и да изгледа поголем и посветол. Ако ја примените во голем простор ќе добиете свеж и чист изглед.
Модерна кујна
Ако се одлучите за модерна бела кујна, сте го одбрале минимализмот. Вилијамс кажува дека секогаш одбира чисти линии и висок сјај за сето тоа да изгледа едноставно. Но не грижете се дека просторот ќе го направите монотон бидејќи одлично се дополнува со апаратите од различни материјали, како и плочките и стаклото кои ќе ги одберете.
Класичен тип на бела кујна
Љубителите на класичниот изглед, со белото можат да одберат и мермени плочи. Старат кујна, обоена во бело ќе добие сосема нов изглед.
Се е во деталите
Кога имате бела кујна можете да си играте со деталите во сите бои. Во големи простории без размислување можете да си дозволите и шанк во потемна дрво боја. Тоа ќе биде центар на кујната и идеален за фамилијарни собиранки.
Ако одберете апарати во бела боја со детали од челик, ќе добиете чиста елеганција, додава дизјнерката.
You must be logged in to post a comment Login