• Сподели на:

6 Начини да се разбудите, а да не пиете кафе

___

Многу луѓе имаат навика новиот ден да го започнат со шолја кафе. Досегашните истражувања покажале дека пиењето кафе го намалува риикот за дијабетес, депресија па дури и некои врсти на рак. Но, ако пиењето кафе поради некои причини не одговара или не сте во можност да ја следите таа утринска навика,  постојат и други можности.

  1. Протегнување – Заземете “рибна поза”. Легнете на грбот и ставете ги рацете под колковите. Потоа подигнете го телото над рамениците и полека истегнете ја главата. Оваа вежба го стимулира телото и помага во борбата против замор.
  2. Јадете јаболко – Ова е брз начин да се разбудите. Јаболката содржи шеќер и други јаглени хидрати кои можат да го стабилизираат нивото на шеќерот во крвта. На истиот начин ќе делува и бананата и портокалот. Ако сте во можност, комбинирајте овошје со сладок јогурт за да се чувствувате сити.
  3. Станете од креветот и вежбајте – Ова сигурно е последната работа која би ви паднала на памет во раните утрински часови, посебно не веднаш по будењето. Вежбањето ослободува ендорфин поради кој се чувствуваме добро.
  4. Излезете на воздух и утринското сонце – Овие денови се помалку се сончеви денови, но немојте тоа вас да ве обесхрабри. Излезете малку на воздух, тоа ќе ве разбуди, но и ќе ви го зајакне имунолошкиот систем. Сончевите зраци би требало да го подобрат вашето расположение.
  5. Туширање – Туширањето со малку ладна вода може да биде тотално непривлечно. Но со време ако се навикнете, таа промена на температура може да го намали стресот.
  6. Чај – Често можеме да слушнеме препораки на експертите кафето да го замениме со чај. Иако во мали количини и чајот содржи кофеин, го зајакнува имунолошкиот систем и го намалува крвниот притисок.

Оставете коментар

___