Состојки:
750 гр. пилешки крилца
½ лажичка лук во прав
½ лажичка кумин
½ лажичка лут буковец
¼ лажичка мелен бибер
1 лажичка сол
1 лажица маслиново масло
200 гр. лебни трошки
Прелив
100 гр. мајонез
3 кисели црвени пиперки од тегла
сок од лимета
1 лажичка оцет
½ лажичка сол
Постапка:
Исплакнете ги пилешките крилца под млаз студена вода и исушете ги со хартиена салфетка. Во сад измешајте ги лукот, буковецот, кумин, бибер, сол и маслиново масло. Намачкајте ги убаво крилцата со оваа мешавина од зачини, покријте ги во еден сад и оставете ги во фрижидер да се маринираат најмалку еден час.
Загрејте ја рерната на 200 степени.
Извалкајте ги од сите страни пилешките крилца во лебните трошки. Поставете ги во плех и печете ги во загреаната рерна 20 минути. Потоа превртете ги и печете ги уште 20 мин или додека да добијат златно жолта боја.
Додека се печат крилцата подгответе го сосот. Измешајте ги во блендер пиперките, мајонезот, сокот од 1 лимета , лажица оцет и сол по вкус.
Сервирајте го сосот во длабок сад покрај топлите пилешки крилца.
You must be logged in to post a comment Login