Супа од сезонски зеленчук е идеална како лесен оброк или предјадење.
Потребни состојки:
- 500гр спанаќ
- 4 лажици маслиново масло
- 3 листа свеж босилек
- 4 гранчиња магдонос
- 20мл концентрат од домати (по желба)
- 1л вода
- 15гр кромид
- 70гр морков
- 700гр тиквици
- сол, бибер
- ливчиња од нане за декорација
Начин на подготовка:
1.Измијте го спанаќот и ситно исецкајте.
2. На маслиново масло кратко пропржете го исецканиот кромид, додадете тиквици и морков на коцки, како и спанаќот.
Измешајте добро, пропржете неколку минути, истурете зовриена вода, додадете сол и бибер.
3. Варете на оган со средна јачина околу 25 минути. При крај на варењето помешајте концентрат од домати, исецкан магдонос и босилек, па варете околу 5 минути.
4. Послужете украсено со листови од нане.
You must be logged in to post a comment Login