Путер од лешници

Време на подготовка: 20 мин.

Состојки:

• 3 шољи лешници
• 1/2 лажичка сол
• 135 ml зејтин

Подготовка:

Ставете ги лешниците во тава и печете ги во рерна 15 минути на 180 степени.

Откако ќе се изладат, ставете ги во памучна крпа и исчистете ги од лушпа. Вака исчистените лешници ставете ги во блендер и сомелете ги.  Додадете сол и повторно мелете. Во текот на мелењето додавајте го и зејтинот.

Откако состојките ќе се соединат ставете го во стаклена тегла и чувајте го во фрижидер неколку недели.

Вака приготвениот путер можете да го користите како прелив за салати, така што ќе го разредите со сок од цеден портокал. Можете и да го измешате со чоколадо и ванила и да го мачкате на леб.