Проја со блитва

Состојки:

-180 гр. пченкарно брашно

-180 гр. бело брашно

-1 прашак за пециво

-4 јајца

-1,5 дл. масло

-1 дл. млеко

-2 дл. павлака

-1 снопче блитва

-сол

-сусам

Подготовка:

1.Блитвата измијте ја, одстранете ги дршките и задебелувањата на средината и исечете ја на ленти.

2.Во соодветен сад изматете ги јајцaта, маслото, млекото, павлаката и посолете по вкус. Постепено додавајте ги во мешавината прашакот за пециво, белото брашно и пченкарното брашно и мешајте се додека не добиете компактна смеса.

3.Во подготвената смеса додајте ја блитвата и полека измешајте.

4.Во соодветен сад обложен со хартија за печење, додајте ја смесата, додајте го сусамот и печете во загреана рерна на 200 степени додека не порумени.