Нескафе торта

Потребно:

500 гр бисквити
500 мл слатка павлака
3 јајца
11 лаж. шеќер
3 лаж. нескафе
малку млеко за бисквитите

Слатката павлака се мати со половина од шеќерот. Во посебен сад се матат јајцата со останатиот шеќер се додека смесата не стане кремаста. На крај се додава нескафето и се мати додека се растопи. Оваа смеса се додава на изматената слатка павлака и се мати додека добро се измеша.
Секоја бисквита ја потопуваме во ладно млеко, во кое по желба може да се додаде и малку арома на рум и правиме прв ред, па премачуваме од филот. Така се прават 3-4 реда, ред бисквити-ред фил. Готовата торта ја наросуваме со рендана чоколада или чоколадни трошки и ја оставаме една ноќ во фрижидер.