Чизкејк

ПОТРЕБНИ СОСТОЈКИ:

* 150 гр бисквити

* 100 гр темно чоколадо

* 40 гр путер

* 500 гр маскарпоне

* изрендана кора од 3 лимони или портокали

* 1 кафена лажичка цимет

* 4 кафени лажички густин

* 2 јајца

* 75 г шеќер (може и кафеав)

НАЧИН НА ПОДГОТОВКА:

1.Рерната се загрева на 180 степени. Калапот за торта се обложува со хартија за печење (не заборавајте и ѕидовите на калапот да ги обложите).

2.Во сад се дроби бисквитот и се меша со циметот и малку растопениот путер. Смесата се става во калапот за торта и се обликува дното на колачот.

3.Во друг сад се топи чоколадото на пареа. Маскарпонето ( и без нервоза, го има во скоро секој супермаркет и тоа на рафтовите каде стои најчесто павлаката) се меша со изренданата кора од портокали или лимон и со шеќерот. Во смесата се додава стопеното чоколадо и јајцата.

4.Целата смеса се истура врз бисквитот и се пече 40-тина минути.

5.Пред сервирање колачот треба да биде добро изладен. Се послужува со парчиња портокал (или друго овошје) и прав шеќер.