Синди Крафорд и на прагот на 60-та деценија од својот живот привлекува огромно внимание.
Славниот супер модел сними провокативни фотографии за новата колекција на луксузни часовници. Сепак, гледајќи ја кампањата, покрај секси изданието во кое таа се појавува, веруваме дека мнозинството, особено машкиот дел на публиката, нема да обрне многу внимание на изгледот на рекламираниот производ.
Амбасадорката на „Омега“ за една година ќе навлезе во шестата деценија од животот, но многу помлади колешки не можат да се мерат со неа, барем во однос на нејзиниот изглед, бидејќи Синди на 49 години изгледа исто како и на почетокот од својата кариера.
Облечена во предизвикувачки костим за капење, моделот кој го одбележа крајот на 20-от век, го покажа своето длабоко деколте, доволно за да ја заскокотка фантазијата на оние кои и понатаму воздивнуваат по неа. Со неколку провокативни пози и жешките модни комбинации, Синди успешно ќе ја одбележи сезоната пролет/лето 2014 година.
Крафорд и понатаму ја работи својата манекенска работа со иста страст, а тоа го докажува и изјавата на нејзиниот долгогодишен соработник, фотографот Џон Русо:
„Синди е икона и со гордост можам да кажам дека е вистински професионалец. Секое од своите снимања го одработува како да ѝ е прв пат и прави сѐ што ќе побарам од неа. Обожавам кога работиме заедно“, вели Русо.
Погледнете го видеото од снимањето на рекламата:
httpv://www.youtube.com/watch?v=AP2zUj2fBWU
You must be logged in to post a comment Login