Верувале или не, секоја трета особа знае како правилно на кожата да нанесе средство за сончање. Но кога заштитата од негативен аспект од сончевото зрачење е во прашање, луѓето многу грешат. Затоа ви наведуваме неколку основни правила со кои на летување ќе добиете совршена боја и тен, а ќе избегнете опекотини и рак на кожа.
Купување на крема – Лосион за сончање бирајте према типот на кожата и пратете ги упатствата на производителот за правилно нанесување. Доколку содржи оксибензон или ретинил палминат, немојте да купувате, затоа што овие состојки се опасни за здравјето.
Степен на заштита – Независно за каков вид на кожа станува збор, за првите денови ви е неопходен минимум фактор 30.
Млеко, лосион, спреј или крема? – Иако средството за сончање во спреј е лесно за да се нанесе, лдокторите не го препорачуваат. Работата е во тоа што со вакви нанесувања, состојките на кремата кои се безбедни за кожата, лесно се вдишуваат и се пренесуваат во дишните патишта каде можат да направат многу лоши нарушувања во здравјето.
Мачкајте се почесто – Ако сте купиле лосион за сончање со фактор +50 не значи дека треба да се намачкате само еднаш и толку. Многу е важно да нанесувате крема на секои 2 часа, посебно секој пат кога излегувате од вода. Децата и луѓето со побела кожа мораат да се штитат и почесто.
Колку крема е потребна – Ако едно пакување ви трае и по неколку години, време е да знаете дека погрешно сте нанесувале крема. Едно пакување од 200 грама е доволна само за 5 дена.
Делови на телото кои сите ги забораваат – Ушите, стапалата, усните, очните капаци, пазувите, деловите испод колената, лактите и дланките… Ова се местата кои лесно можат да изгорат, а сите забораваат да ги намачкаат.
По сончање – Доколку сакате вашиот тен да остане совршен, на плажа истуширајте се со ладна вода, а веќе во вашето сместување да се туширате со млака вода. Нанесете некое средство за после сончање или некој друг освежувачки лосион.
You must be logged in to post a comment Login