Убавина директно од фрижидерот: Намирници за подобар изглед!

Советите за убавина во домашни услови се секогаш забавни, а ние се одлучивме да ви откриеме неколку нови.

Неколку лажички морска сол се одлични за пилинг на кожата. Ставете ја на саканата површина, а потоа нежно тријте. Исплакнете со ладна вода и нанесете крема за тело. Веднаш ќе ги забележите саканите резултати. Избегнувајте го пределот околу очите.

Темни кругови под очите? И ние ги мразиме! Исечете сиров компир на неколку тенки парчиња, кои ќе ги ставите на пределот околу очите и оставете ги да делуваат 15-20 минути. Ова повторете го неколку пати неделно. После тоа нанесете крема за пределот околу очите.

 

Жолти нокти никако не се пожелни на вашите раце, а дамките можете лесно да ги отстраните со помош на сок од лимон во кој ќе ги натопите ноктите на 5 -10 минути. Истиот ефект го добивате и од пастата за заби, која ќе ја нанесете со помош на четка за заби.

Многу девојки се борат со акни, а неколку згмечени јагоди на местата каде се појавиле акни (лице, гради, грб), кои ќе ги оставите да делуваат неколку минути, ќе ви помогнат да се ослободите. Јагодите содржат салицилна киселина, која помага во убивањето на бактериите кои произведуваат акни.

Нема ништо полошо од сува, досадна и оштетена коса. Покрај маслиновото масло, кое проверено го враќа сјајот на косата, постои уште еден трик. Помешајте малку сода бикрабона во шампонот. Резултатите ќе ги видите по првото миење.