Connect with us

Hi, what are you looking for?

runway

____баланс новости и трендови

Плачењето го зголемува притисокот

Како издание на Oxford University Press, во февруари 2013 година е објавена книгата „Зошто луѓето плачат: расплеткување на мистериите за солзите“, потпишана од д-р А. Ј. Ј. М. Вингероетс.

Авторот е професор на универзитетот Тилбург во Холандија на предметот медицинска и клиничка психологија, а мистериозниот акроним од неговите имиња го решил така што се потпишува како Ед Вингероетс. Според веб страната на универзитот, експертизата на професорот е во областите како стрес, емоции и квалитет на живот, за што има објавено преку 300 статии. Одамна пред него за женскиот плач се произнел Аристотел (384-322 п.н.е.) забележувајќи дека „жените се почувствителни од мажите, полесно заплакуваат, но во исто време се и пољубоморни“. Во книгата, д-р Вингероетс изнесува факти од типот дека жените плачат два до четири пати месечно, а освен што плачат почесто од мажите, тие плачат и подолго и поинтензивно.

Она по што се разликуваат наодите на Аристотел и Вингероетс е истражувањето на што се должи ова и како се рефлектира. Биолошките предиспозиции се мошне битни во случајот со плачењето кај жените. Хормонот пролактин го има повеќе во женското тело отколку во машкото, а тој дава импулси за производство на млеко. Научно е докажано дека кога жената слуша бебешки плач, нивото на пролактин се зголемува. Како причина за солзите кај понежниот пол се наведува немоќта односно беспомошноста. При кавга, „за неа е потешко да не заплаче“, но од друга страна тоа воопшто не е здраво како што порано се сметало. Имено, плачењето претставува исцрпување за организмот бидејќи времето за вдишување се скратува, а тоа доведува до зголемување на пулсот (во екстремни случаи до 200 отчукувања во минута) и до подигање на крвниот притисок за 135%, што доведува до недостаток на оксиген во крвта, па се манифестира со главоболка.

Против природните нагони е тешко човек да се бори, но ваквите информации претставуваат индикација дека треба да знаеме како подобро да си помогнеме во кризните моменти.

Прочитај

ДИ ДЕЈ

Дали сакате да направите нешто оригинално на вашата свадба? Што мислите за мини торти за вашите гости? Свадбената торта обично е во центарот на...

Fool Moon

Коза е млада поп изведувачка од Турција што ја афирмира својата мизика, каде не ако не во Лондон. Синоќа ја објави втората песна работена...

ДИ ДЕЈ

Постојат многу различни модели на венчаници, бидејќи има повеќе типови на невести. Некои сакаат да имаат венчавка од бајќите и согласно на тоа да...

Лице

Кожата во зима станува сува и затоа пролетта е идеално време за да посветите поголема нега. Покрај секојдневната рутина која ја правите, чистење и...