Сезона е на глуварчиња. Дали сте знаеле дека неговите рецкасти листови полни со ароматични горки супстанци и минерали ја зајакнуваат јетрата, жолчката, бубрезите и нервите?
Во листовите на глуварчето се наоѓаат низа од горки супстанци и минерали. Токму таа комбинација е важна за зајакнување на споменатите органи. Со внесување на овие листови се активира метаболизмот а отпадните материи побрзо се исфрлаат од организмот.
Подготовка: Од чај до салата!
Од листовите на глуварчето се припрема многу здрав чај. Потребна е шака од фини листови од глуварче, кои претходно треба убаво да се измијат и ситно да се исечкаат. За чај се користат две мали лажички сецкани листови и се прелива со четвртина литро врела вода. Се остава да стои 15 минути и може да се пие полека. Препорачливо е незасладено. Се препорачува по една чаша насабајле, попладне и доцна попладни. Важно е чајот секогаш да се спремен свеж, да не стои премногу долго припремен.
Доколку немат време за подготовка на чај, можете листовите свежи и измиени да ги ставите на сендвич како салата.
Салата од глуварче
Соберете две шаки листови од глуварче, измијте ги во млака вода и оставете ги да се исушат. За маринада земете 4 до 5 лажици маслиново масло, 2 лажици јаболков оцет или 2 лажици цеден лимон, посолете, ставете бибер и малку мед. Сето тоа измешајте го добро и пред сервирање ставете ја маринадата на салатата.
Важно е листовите од глуварче да бидат собрани или од приватна градина, или место одалчено од сообраќај или индустрија.
You must be logged in to post a comment Login