Како да си го олесните постоењето за време на ПМС и месечниот циклус

Не можете да најдете “лек”? Следете ги овие трикови и одвај ќе ја забележте болката.

Умереното консумирање на алкохол, на пример една чаша вино, ќе ви помогне да ја избегнете главоболката за време на месечниот циклус.

Одете на масажа

Масажата го зголемува протокот на крвта и тотално ќе ве опушти. Фокусирајте се на областа околу половината, ова е особено корисно кога чувствувате грчеви во стомакот.

Пијте млеко

Жените кои пијат 4 чаши обезмастено млеко или млеко со помала масленост на ден, имаат 46% помалку шанса да почувствуваат болка за време на ПМС отколку жените кои пијат само една чаша неделно.

Вежбајте

Вежбањето за време на месечниот циклус ќе ви помогне да не почувствувате ниту болка, ниту главоболка. Не сте расположени за напорен тренинг? Вежбајте јога, ќе ви ја намали прекумерната болка и ќе се чувствувате подобро.

Јадете спанаќ

Зошто? Спанаќот е богат со магнезиум и железо, а тоа го намалува стресот за време на ПМС и ве штити од мигренозни болки.

Спијте на грб

Спиењето во било која друга позиција притиска на матката, а тоа ја интензивира ПМС болката. Лежењето на грб го намалува притисокот и вие можете да спиете подобро.

Направете акупунктура

Доколку не се плашите од игла, ова навистина вреди да го направите. Според едно истражување, овој третман ги намалил ПМС симптомите кај 78% од испитаниците.

Земајте мултивитамини

Се препорачуваат оние кои се богати со витамин Е или есенцијални масни киселини. Нивните нутритивни вредности делуваат на простагландин рецепторите, за кои се вреува дека предизвикуваат грчеви.