• Сподели на:

Хормонската терапија го намалува мозокот на жените

___

Две научни истражувања покажале дека хормонската терапија кај жените е поврзана со намалување на нивниот мозок, но не и со лезиите на малиот мозок, што е прв знак за церебрално-васкуларно заболување, објави американскиот магазин “Neurology”.

Некои претходни истражвања покажале дека естрогенот, со или без прогестерон кај жените по 65-та година од животот го зголемува ризикот од развој на деменција и предизвикуваат опаѓање на когнитивните способности создавајќи проблеми со бистрото мислење и помнење.

Истражвањето, спроведено врз 1.400 жени на возраст од 71 до 89 години било предвреме прекинато, откако научниците откриле дека хормонската терапија ги зголемува здравствените ризици и не помага којзнае колку при спречување на појавата на срцевите заболувања.

Со скенирање на мозокот на испитаничките, научниците откриле дека на жените кои земале естроген, со или без прогестерон, им се намалил мозокот и тоа во два одделни дела, што не било случај со жените кои земале плацебо. Скенирањето покажало дека естрогенот придонел за намалување на предниот мозок за 2,37 кубни сантиметри, како и на хипокампусот за 10 кубни сантиметри. Овие два дела на мозокот се поврзани со процесот на мислење и со способноста за помнење.

„Ефектите се најевидентни кај жените кои и пред земањето на хормонската терапија веќе имале проблеми со помнењето. Ова покажува дека естрогенот негативно влијае врз способноста за помнење кај жените кај кои веќе се присутни невродегенеративните просеци“ вели авторот на студијата Сузан Ресник, од “National Institute on Aging in Baltimore“.

Со втората студија пак, научниците откриле дека хормонската терапија нема никаква поврзаност со зголемување на волуменот на малите лезии на мозокот или со „тивките мозочни удари“, кои честопати се прв знак за церебро-васкуларно заболување и дека негативните ефекти на хормонската терапија врз когнитивните способности не мора примарно да се поврзани со васкуларна болест, туку со невродегенерација, како што покажала и првата студија.

Заклучок: Намалувањето на волуменот на хипокампусот го зголемува ризикот за појава на деменција, што значи дека треба да се внимава со давање на хормонална терапија.


Оставете коментар

___