Повеќето жени имаат проблем со масни наслаги во овој регион од телото, но експертите развија посебен вид исхрана и диети кои се посебно наменети за елиминација на вишокот килограми на посакуваните делови од телото!
Голем број жени имаат масни наслаги на бутовите, главно поради лоша генетска предиспозиција и дополнителни фактори како што се недостаток на физичка активност, лоша исхрана, работа која бара повеќечасовно седење, дехидратација на организмот и задржување на вишокот вода кои само дополнително го отежнуваат губењето на килограмите.
Мени за првите три седмици
Пред појадокот: чаша топла вода со лимонов сок
Појадок: омлет од 3 јајца со зеленчук и чаша природен сок од рибизла
Ужина 1: половина цитрон и чаша природен сок од рибизла
Ручек: 170g лосос, обарен аспарагус, салата од свеж зеленчук: рукола, домати и пиперки.
Ужина 2: една рака јаткасти плодови
Мини ужина: 1 јаболко половина час пред вечерата и чаша сок од рибизла
Вечера: чорба од блитва, 150gr. немасно црвено месо
По 3 седмици
Наутро веднаш по будењето напијте се чаша топла вода со лимонов сок.
Појадок: сок од свеж зеленчук, омлет од 2 јајца и парче младо сирење
Ужина 1: 150gr. јаболко, половина шолја немасен јогурт
Ручек: Чорба без тестенини и запршки. Свежа салата од целер, магдонос и домати.
Ужина 2: една рака јаткасти плодови
Мини ужина: 1 јаболко, кришка свеж ананас
Вечера: Варена риба со аспарагус (кој е природен дируретик, па помага во прочистувањето на цревата), свежа салата.
Во првите три седмици најдобро е да избегнувате производи кои во себе содржат шеќери, заситени масти, газирани сокови и слатки. Дозволени намирници за конзумација се: јајца, „посно“ месо (пилешко, мисиркино и телешко месо), риба, карфиол, брокули, кељ, блитва, природни сокови (без шеќери), од масла дозволени се: масло од гроздови семки и масло од ленено семе.
Иако изгледа како ригорозна диета, не е многу да се придржувате до оваа исхрана само 3 седмици. Истражувањата покажале дека луѓето кои ја држеле оваа диета изгубиле 20cm од обемот на бутовите.
Во другата фаза од слабеењето и понатаму се забранети шеќерите, алкохолните пијалоци, белото брашно и мрсната исхрана. Избегнувајте и преголеми количини на јаглехидрати, бидејќи тие и надвор од диетата не се многу здрави. Ако се одлучите, преминете на безглутенски производи.
Многу е важно да запаметите дека додека јадете никако не смеете да пиете вода, бидејќи ќе ги разблажите желудочните сокови и ќе го забавите варењето! Слабеењето ќе се забави во оваа фаза во однос на првите три седмици, но и понатаму ќе продолжите да ги губите килограмите.
Се разбира, како и при секоја диета пожелно е да се бавите со некој вид физичка активност.
You must be logged in to post a comment Login