Зачувајте ја искрата во бракот

Додека еден пар го гради своето семејно гнездо, може да се случи да започне да им се влошува сексуалниот живот. Со текот на времето, заради обврските и должностите, како и посветувањето на кариерата, финансиските одговорности и животните предизвици, одгледувањето на децата и слично, почнуваат да ја задушуваат онаа искра која жарела на почетокот. Од практична гледна точка, двајцата партнери располагаат со многу помалку време за секс, наспроти времето за обврски и задолженија.
Со зголемувањето на возраста, се зголемуваат и факторите кои влијаат на животот во спалната соба. Добрата вест е дека, независно дали станува збор за физички или емоционални проблеми во таа област, на повеќето од нив може да се дејствува.
Всушност, добриот сексуален живот е еден од предусловите за здрав брак и проблемите со сексот, честопати, се знак за други брачни проблеми, за кои треба навреме да се преземат мерки.

Еве како да се зачува „искрата“ во бракот:

– Одделувајте повеќе време за разговор со вашиот партнер;

– Научете да слушате и да ја земате предвид другата страната;

– Стремете се кон решавање на конфликтите, а не кон нивно избегнување;

– Планирајте средби еднаш седмично;

– Помислете на романса надвор од спалната. Сексот започнува од кујната;

– Откријте ги сексуалните потреби и желбите на партнерот;

– Хранете се здраво и одвикнете се од штетните навики како алкохолот и цигарите;

– Спортувајте и забавувајте се заедно.